Жаҳон чемпионатида иштирок этадиган курашчиларимиз номи маълум

Дунёнинг юздан ортиқ давлатининг энг сара полвонлари иштирок этадиган йилнинг энг нуфузли мусобақасида Ўзбекистон терма жамоаси курашчилари ҳам гиламга чиқади. 18 август куни юнон-рум кураши бўйича терма жамоамиз делегацияси Франция пойтахтига жўнаб кетади. Париж гиламларида Феруз Тўхтаев (59 кг), Элмурод Тасмуродов (66 кг), Арам Варданян (71 кг), Рустам Ассакалов (98 кг) ҳамда Мўмин Абдуллаев (130 кг) юртимиз спорт шарафини ҳимоя қилади. Терма жамоа мураббийлари Комил Фаткулин ва Равшан Рўзиқулов.

Эркин кураш бўйича терма жамоамиз аъзолари эса 21 август куни Францияга йўл олишади. Таркибдан Нодиржон Сафаров (57 кг), Ихтиёр Наврўзов (70 кг), Бекзод Абдураҳмонов (74 кг), Умиджон Исманов (86 кг), Магомед Ибрагимов (97 кг) ҳамда Давид Модзманашвили (125 кг) жой олган. Эркин кураш бўйича терма жамоа мурабийлари Олим Ҳикматов ва Александр Недорезов.

Жаҳон чемпионатида Ўзбекистон аёллар кураши терма жамоаси иштирок этмайди.