Жаҳон чемпионатига бир қадам қолди: Гандболчиларимизнинг рақиби аниқ

Мусобақанинг аҳамиятли томони шундаки, ушбу чемпионатда кучли олтиликка кирган терма жамоалар жаҳон чемпионати йўлланмасига эга чиқишлари мумкин. 

Эртага, 23 сентябрь куни мусобақа доирасида плей-офф баҳслари ташкил этилади. 5-8 ўринлар учун тўрт терма жамоа баҳс олиб боради. 

Ўзбекистон терма жамоаси кучли олтиликка кириш учун мезбон Иордания терма жамоасига қарши баҳс олиб боради. Агар қизларимиз мазкур баҳсда ғалабага эришсалар, шу йил декабрь ойида Испанияда ташкил этиладиган жаҳон чемпионатига йўл оладилар. 

Иккинчи жуфтликда эса Сурия ҳамда Гонконг терма жамоалари ЖЧ йўлланмаси учун баҳс юритадилар. 

Бунгача Жанубий Корея, Эрон, Япония ва Қозоғистон терма жамоалари ярим финалга чиқиб, жаҳон чемпионати йўлланмасини нақд қилиб қўйгандилар.