04 ноя 08:36
Янгиликлар
Спорт курашлари
Жаҳон чемпионатининг бронза медали учун кечган беллашувда аламли мағлубият
Белград шаҳрида спорт курашлари бўйича ёшлар (U 23) ўртасидаги жаҳон чемпионати давом этмоқда.
Кеча юнон-рум кураши мусобақасига якун ясалди. 60 кг вазн тоифасидаги баҳсларда юртимиз шарафини ҳимоя қилган юнон-рум курашчимиз Муҳаммадқодир Юсупов бронза медали учун кечган баҳсда грузиялик Придон Абуладзега аламли тарзда имкониятни бой бериб қўйди.
Юсупов беллашув якунланишига бир неча сония қолган бир пайтда 3-1 ҳисобида олдинда бораётган эди. Лекин грузиялик полвон характер намойиш этиб, икки балл қўлга киритди. Ҳисоб тенглашди ва айнан охирги олинган балл Абуладзега жаҳон чемпионатининг бронза медалини тақдим этди. Муҳаммадқодир бронза йўлидаги ўтиш учрашувида АҚШ вакили Стевен Грегерсонни 6-1 ҳисобида доғда қолдирганди.
Ҳавола :
Манба : olamsport.com
Фикрлар