Жаҳон чемпионатининг иккинчи куни ҳам қуруқ бўлмади, умумжамоа ҳисобида ҳамон пешқадаммиз!

Дунё биринчилигининг иккинчи кунида ҳам 4 та вазн тоифасида ғолиб ва совриндорлар аниқланди. Қизиғи, терма жамоамизнинг -60 кг вазндаги икки вакили Муҳаммадкарим Носиров ва Дилшод Каримов жаҳон чемпионатининг бронза медали тақдирини ўзаро кечган беллашувда ҳал қилишди. Қўшимча дақиқаларгача чўзилган учрашувда бухоролик дзюдочимиз Дилшод Каримов ғалаба қозониб, жаҳон чемпионати совриндорига айланди. 

Шу тариқа, Ўзбекистон терма жамоаси ҳисобидаги медаллар сони 4 тага етди. Биринчи кунги беллашувларда уч нафар дзюдочимиз жаҳон чемпионатининг олтин медалларини қўлга киритган эди. 

Иккинчи кунги баҳслардан сўнг Ўзбекистон терма жамоаси медаллар жамғариш бўйича умумжамоа ҳисобида ҳамон биринчи ўринни эгаллаб турибди. Иккинчи ўринни IJF байроғи остида курашаётган россиялик дзюдочилар 2 та олтин, 2 та бронза медали билан банд этишган. Битта олтин, битта кумуш, 2 та бронза медалига эга Қозоғистон терма жамоаси учинчи ўринга кўтарилиб олди.       

Кечаги кун ғолиб ва совриндорлари