Жаҳон чемпиони, депутат Георгий Зантарая дзюдочиларимизни йўқлаб келибди + ФОТО

Бу йил октябрь ойида 37 ёшга тўладиган Зантарая Украинанинг энг совриндор дзюдочиси ҳисобланади. У Ришод Собиров сингари -60 ва -66 кг вазн тоифаларида учта Олимпиадада иштирок этган. Биргина фарқи Собиров уччала Олимпиадада бронза медалини қўлга киритган. Георгий эса ҳар уччала сафар ҳам медалсиз қолган. 

2010 йили дзюдо ватани Японияда бўлиб ўтган жаҳон чемпионатининг финалида Ришод Собиров азалий рақиби Зантараяни мағлуб этиб, фаолиятида илк бор олтин медални қўлга киритганди. Зантарая ўшанда Токиога амалдаги жаҳон чемпиони сифатида ташриф буюрганди. Украиналик дзюдочи 2009 йили Роттердаммда жаҳон чемпиони бўлган эди. У яна 4 мартта жаҳон чемпионатининг бронза медалига ҳам эга чиққан. Икки карра Европа чемпиони ҳамда Европа ўйинлари ғолиби ҳисобланади.