Жаҳон тожи учун Даъвогарлар турнирининг иккинчи турида ҳеч ким муроса қилмади

Эркаклар ва аёллар ўртасидаги ушбу мусобақада 8 нафардан шахмат юлдузлари жаҳон тожи учун даъвогар номини аниқлаб бериш учун ўзаро дона суришяпти. 

Эркаклар ўртасидаги турнирда америкаликлар Ҳикару Накамура, Фабиано Каруана, ҳинд гроссмейстерлари Сантош Гужрати, Гукеш Доммараджу, Рамешбабу Праггнанадҳа, озарбайжонлик Нижат Абасов, франциялик Алиреза Фирузжа ҳамда FIDE байроғи остида қатнашаётган Ян Непомняший ўз маҳоратини намойиш этмоқда.

Эътиборлиси, 2-турнинг ҳеч бир партиясида томонлар муросага келишмади. Биринчи турда эса бунинг акси бўлганди. Яъни барча тўрт партияда гроссмейстерлар дурангга имзо чекишганди. 22 апрелга қадар давом этадиган ушбу турнир ғолиби амалдаги жаҳон чемпиони, хитойлик гроссмейстер Дин Лижэнга қарши жаҳон тожи учун дона суриш ҳуқуқини қўлга киритади. Лижэнь Ян Непомняшийни мағлубиятга учратиб, жаҳон чемпионига айланган эди. 

Candidates Tournament 2024. 2-тур натижалари (Эркаклар)

Ҳикару Накамура (АҚШ, 2789) - Видит Гуджрати (Ҳиндистон, 2727) - 0:1

Рамешбабу Прагнанандҳа (Ҳиндистон, 2747) - Гукеш Доммараджу (Ҳиндистон, 2743) - 0:1

Ян Непомняший (FIDE, 2758) - Алиреза Фирузжа (Франция, 2760) - 1:0

Фабиано Каруана (АҚШ, 2803) - Нижат Абасов (Озарбайжон, 2632) - 1:0 

Candidates Tournament 2024. 3-тур жуфтликлари:

Нижат Абасов (Озарбайжон, 2632) - Ҳикару Накамура (АҚШ, 2789) 

Алиреза Фирузжа (Франция, 2760) - Фабиано Каруана (АҚШ, 2803) 

Гукеш Доммараджу (Ҳиндистон, 2743) - Ян Непомняший (FIDE, 2758)  

Видит Гуджрати (Ҳиндистон, 2727) - Рамешбабу Прагнанандҳа (Ҳиндистон, 2747) 

Маълумот учун, ушбу даъвогарлар турнирида ҳамюртимиз Нодирбек Абдусатторов иштирок этмаяпти. Боиси, мусобақанинг барча саккиз иштирокчиси турли саралаш турнирлари орқали йўлланмани қўлга киритган.