Жаҳон тожи учун даъвогарлар турнирининг илк партиясида бир хил ҳисоб қайд этилди + ФОТО

Эркаклар ва аёллар ўртасидаги ушбу мусобақада 8 нафардан шахмат юлдузлари жаҳон тожи учун даъвогар номини аниқлаб бериш учун ўзаро дона суришяпти. 

Эркаклар ўртасидаги турнирда америкаликлар Ҳикару Накамура, Фабиано Каруана, ҳинд гроссмейстерлари Сантош Гужрати, Гукеш Доммараджу, Рамешбабу Праггнанадҳа, озарбайжонлик Нижат Абасов, франциялик Алиреза Фирузжа ҳамда FIDE байроғи остида қатнашаётган Ян Непомняший баҳсларга киришишди.

Эътиборлиси, 1-турнинг барча тўрт партиясида томонлар муросага келишди. 22 апрелга қадар давом этадиган ушбу турнир ғолиби амалдаги жаҳон чемпиони, хитойлик гроссмейстер Дин Лижэнга қарши жаҳон тожи учун дона суриш ҳуқуқини қўлга киритади. Лижэнь Ян Непомняшийни мағлубиятга учратиб, жаҳон чемпионига айланган эди. 

Candidates Tournament 2024. 1-тур натижалари (Эркаклар)

Фабиано Каруана (АҚШ, 2803) - Ҳикару Накамура (АҚШ, 2789) - 1/2:1/2

Нижат Абасов (Озарбайжон, 2632) - Ян Непомняший (FIDE, 2758) - 1/2:1/2

Алиреза Фирузжа (Франция, 2760) - Рамешбабу Прагнанандҳа (Ҳиндистон, 2747) - 1/2:1/2

Гукеш Доммараджу (Ҳиндистон, 2743) - Видит Гуджрати (Ҳиндистон, 2727) - 1/2:1/2

Candidates Tournament 2024. 2-тур жуфтликлари

Ҳикару Накамура (АҚШ, 2789) - Видит Гуджрати (Ҳиндистон, 2727)

Рамешбабу Прагнанандҳа (Ҳиндистон, 2747) - Гукеш Доммараджу (Ҳиндистон, 2743)

Ян Непомняший (FIDE, 2758) - Алиреза Фирузжа (Франция, 2760)

Фабиано Каруана (АҚШ, 2803) - Нижат Абасов (Озарбайжон, 2632) 

Маълумот учун, ушбу даъвогарлар турнирида ҳамюртимиз Нодирбек Абдусатторов иштирок этмаяпти. Боиси, мусобақанинг барча саккиз иштирокчиси турли саралаш турнирлари орқали йўлланмани қўлга киритган.