Жаҳонгир Нажмиддинов Octagon 65 турнирида қозоғистонлик рақиб билан жанг қилади

Турнир доирасида ўзбекистонлик аралаш якка кураш устаси Жаҳонгир Нажмиддинов ҳам жанг қиладиган бўлди. Унга ўша куни қозоғистонлик Еламан Жетписбай рақиблик қилади.

Нажмиддинов аслида, сентябрь ойида ташкил этилган Octagon 63 турнирида иштирок этиши керак эди, бироқ у номаълум сабабларга кўра турнирни ўтказиб юборганди.

Octagon 65 турнирининг марказий жангида ҳамюртимиз Мавлонбек Миркомилов Қозоғистон вакили Нуржан Акишев билан жанг қилади. Беллашув енгил вазнда Octagon Interim камари учун ўтказилади.

Маълумот ўрнида, Жаҳонгир Нажмиддинов ҳозирга қадар 17 та жанг ўтказиб, 10 та ғалаба, 6 та мағлубият ва 1 та дуранг қайд этган. Жетписбай ҳисобида эса 5 та ғалаба ва 1 та мағлубият бор.