13 сен 01:57
Янгиликлар
Бокс/ММА
Жаҳонгир Зокиров хитойлик рақибини мағлубиятга учратди ва ЖЧ финалига чиқди
Англияда бокс бўйича катталар ўртасидаги Жаҳон чемпионатининг ярим финал беллашувлари ўтказилмоқда.
Мусобақада энг оғир +90 кг вазнда Ўзбекистон шарафини ҳимоя қилаётган Жаҳонгир Зокиров ярим финал доирасида Хитой терма жамоаси вакили Данабике Байикевузига қарши рингга кўтарилди.
Тўлиқ 3 раунд давом этган жангда Жаҳонгир Зокиров 5:0 ҳисобида ғалабага эришди ва финалга йўл олди. Жанг давомида Жаҳонгир рақибини икки маротаба нокдаун ҳолатига ҳам тушириб қўйди.
Маълумот учун, Жаҳонгир Зокиров бунгача Жазоир ва Норвегия вакилларини мағлубиятга учратиб, ярим финалгача етиб келганди.
Финалда Зокиров Куба ёки Қозоғистон вакилига қарши жанг ўтказади.
Ҳавола :
Манба : olamsport.com
Фикрлар