18 авг 10:24
Янгиликлар
Жалоловда мағлубият, Расулов эса жаҳон чемпионати бронза медали учун курашади
Йигирма бир ёшгача бўлган курашчилар ўртасида ташкил этилаётган дунё биринчилигида сайёрамизнинг 53 давлатидан 500 нафардан зиёд курашчилари қаторида Ўзбекистон эркин ва юнон-рум курашлари юртимиз шарафини ҳимоя қилмоқда.
Кеча эркин кураш баҳсоарида ўсмирлар ва ёшлар ўртасида жаҳон чемпиони, 2018 йил Аргентинада ўтган учинчи ўсмирлар Олимпиадаси ғолиби, "Спорт Оскари" мукофоти соҳиби, 19 ёшли Умиджон Жалолов (61 кг) нимчорак финалда озарбайжонлик Абдулфаз Насировга аламли тарзда ютқазиб қўйганди. Якуний ҳисоб 6-6 кўринишида бўлса-да, сўнгги баллни қўлга киритгани учун Насиров чорак финалга йўл олганди.
Агар Абдулфаз финалга етиб келганида, Жалоловда бронза медали учун курашиш имконияти юзага келар эди. Лекин амалда ундай бўлмади. Озарбайжонлик курашчи чорак финалда эронлик рақиби Раҳман Амоузадхалилига 2-12 ҳисобида имкониятни бой берди.
92 кг вазнда гиламга чиққан 20 ёшли Муҳаммадрасул Раҳимов 1/8 финалда АҚШ курашчиси, 19 ёшли Рокки Жозеф Эламга қарши баҳс олиб борди ва 3-8 ҳисобида енгилди. Жалоловнинг рақибидан фарқли равишда Элам финалгача етиб борди. Шу боисдан ҳам бугун Муҳаммадрасул бронза медали йўлидаги ўтиш беллашувида ҳиндистонлик Прутвираж Патилга қарши гиламга чиқади. Ғалаба қозонган тақдирда уни бронза медали учун кечадиган баҳсда россиялик Иван Кириллов кутиб турибди.
Фикрлар