Жалоловни рингга чорлаган боксчи рақибига илк мағлубиятни тақдим этди

23 ёшли Андерсон 31 яшар ватандоши Жорж Ариасга қарши рингга кўтарилди ва муддатидан аввал ғалабага эришди. Бу тажрибали Ариаснинг фаолиятидаги илк мағлубият бўлди. Учинчи раундда ўтказиб юборилган кучли зарбалардан сўнг Жоржнинг секундантлари жангни давом эттирмасликка қарор қилишди.

Андерсон айни пайтда WBC ва WBA рейтингларида 11, WBO йўналишида эса 9-ўринни эгаллаб турибди. Бугунги ғалаба эвазига у ўзига тегишли бўлиб турган WBO International камарини ҳимоя қилди, вакант бўлиб келган WBC United States камарини эса қўлга киритди. 

Эслатиб ўтамиз, ўтган йили Жаред Андерсон Баҳодир Жалолов билан жанг қилиш истагини билдириб, уни рингга чорлаган эди.  

Жалолов — яхши боксчи. У масофа сақлашни билади. Қандай вазиятда зарба йўллаш керак эмаслигини ҳам жуда яхши билади. Шунингдек, у чап қўлда яхши жанг қилади. Агар Жалолов АҚШга кела олса, мен жанг қилишим мумкин бўлган йигитлардан бирига айланади", - деганди ўшанда Андерсон.