Жамшид Нажмиддинов навбатдаги жангига тайёргарликни давом эттиряпти

Аввал хабар берганимиздек, чарм қўлқоп устамиз 14 май куни америкалик Чарльз Хетлига қарши USNBC камари учун рингга кўтарилади. Айни пайтда боксчимиз бўлажак жангига тайёргарликни давом эттирмоқда.

Маълумот учун, Нажмиддинов шу кунгача проф боксда 20 та жанг ўтказиб, уларнинг 18 тасида ғалаба қозонган. Икки маротаба имкониятни бой берган. Хетли эса 33 маротаба рингга кўтарилиб, 30 та ғалаба, 2  та мағлубият ва 1 та дуранг қайд этган. У мағлубиятларидан бирини 2017 йилда Жермелл Чарлодан қабул қилиб олган.