Жамшидбек Нажмиддинов АҚШда тарозига чиқди + ФОТО

Чарм қўлқоп устамиз Бруклин шаҳарчасидаги Barclays Center аренада ўтадиган бокс кечасида Уилл Мадерага қарши рингга кўтарилади. Кеча тунда боксчилар анъанага кўра тарозидан ўтиш маросимида ҳозир бўлишди. Жамшид ҳам, унинг рақиби ҳам белгиланган вазн меъёрини бажаришган.  

Маълумот учун, Нажмиддинов шу кунгача проф рингда 18 та жанг ўтказган ва уларнинг 17 тасида ғалаба қозонган (14 та нокаут). Битта жангда украиналик собиқ жаҳон чемпиони Виктор Постолга ҳакамларнинг хатоси билан имкониятни бой берган. Киевда ўтган жангда Нажмиддинов номдор рақибини икки бор нокдаун ҳолатига туширган бўлса-да, якунда ҳакамлар Постолнинг ғалабасини эълон қилишганди. 

Уилл Мадера эса шу кунгача проф рингда 20 та жанг ўтказган бўлиб, уларнинг 16 тасида зафар қучган (9 таси нокаут билан). Битта жангда нокаут эвазига мағлуб бўлган. Қолган 3 та жанг дуранг натижа қайд этилган.