Жангсиз чорак финалга йўл олган Саиджамшид Жафаров энди россиялик боксчи билан тўқнаш келади

Аввалроқ хабар берганимиздек, -71 кг вазн тоифасидаги ҳамюртимиз Саиджамшид Жафаров бугун нимчорак финал баҳсида пуэрто-риколик Габриэль Лланосга қарши жанг қилиши керак эди, бироқ Лланос номаълум сабабларга кўра рингга кўтарилмади ва жанг ғолиби дея Саиджамшид Жафаров эълон қилинди.

Шу тариқа чорак финалга йўл олган ҳамюртимиз эндиликда россиялик Игорь Свиридченков билан тўқнаш келади. Свиридченков нимчорак финал жангида туркманистонлик Байрамдурди Нурмуҳаммедовни ҳакамларнинг якдил қарори билан мағлубиятга учратган эди.