Жанибек Алимханули допинг можароси фонида The Ring рейтингидан чиқарилди

Эслатиб ўтамиз, Жанибек допинг сабаб кубалик 42 ёшли Эрисланди Лара билан режалаштирилган бирлаштирувчи чемпионлик жангини ўтказиб юборган эди. Қозоғистонлик чемпионнинг жанг олдидан топширган допинг-тести ижобий натижа берган эди. 

Эрисланди Лара жангда Алимханулининг ўрнини эгаллаган Хоан Гонсалесга қарши рингга кўтарилган ва очколар ҳисоби бўйича ишончли ғалабага эришганди. Жанибек ўрта вазн тоифасида The Ring рейтингида етакчилик қилган бўлса, эндиликда кучли ўнталикда ҳам йўқ. Рўйхатни Карлос Адамес бошқармоқда, иккинчи ўринда Йоэнли Эрнандес, учинчи ўринда эса айнан Лара жойлашган.

Эслатиб ўтамиз, IBF ва WBO Алимхануули иши бўйича ўз текширувларини олиб бормоқда. Боксчи учун энг ёмон ҳолатда у иккала чемпионлик камаридан маҳрум бўлади.