Жаред Андерсон панжара ортига равона бўлиши мумкин

Америкалик 23 ёшли боксчи Мичиган штати шоссесида полициядан қочган ва бу "пойга" учун у 5 йилга озодликдан маҳрум этилиши мумкин. Ўтган пайшанба куни ҳибсга олинган Андерсон орадан икки кун ўтиб, 10 000 доллар гаров пули эвазига озодликка чиқарилганди. 

Полициянинг хабар беришича, Андерсоннинг автомобили багажига камера ўрнатилган бўлган. Бу эса йўл патрул ходимларининг диққатини ўзига тортган. Натижада соатига 200 км тезликда кетаётган Жареднинг ортидан тушишган. Полиция тахминан 10 км боксчининг ортидан қувиб, уни ҳибсга олган. 

Ушбу ҳолат юзасидан суд жараёни 13 март куни бўлиб ўтади. Агар боксчи айбдор деб топилса, 5 йилга озодликдан маҳрум этилиши мумкин. Энг оддий жазо эса 1000 доллар миқдорида жарима ҳамда бир йилга автомобил бошқаришни маҳрум қилиш бўлади. 

Маълумот учун, Жаред Андерсон 13 апрель куни Техасда Риад Мерхига қарши рингга кўтарилиши керак. Ҳозирча Андерсоннинг промоутерлари ва ташкилотчи Top Rank компанияси ҳам ушбу ҳолатга муносабат билдирмаган.