Жасмина Иммаева бронза медали учун гиламга чиқади

Бугун мусобақанинг учинчи куни эркин ва аёллар кураши бўйича медаллар учун беллашувлар ўтказиляпти. Ўзбекистон чемпиони Жасмина Иммаева (50 кг) бироздан сўнг бронза медали учун гиламга чиқади. Унинг рақибаси болгариялик Миглена Селишка бўлади. 

Иммаева 1/8 финалда қозоғистонлик Айгул Нуралимни 12-2, 1/4 финалда эса россиялик Надежда Соколовани 5-4 ҳисобида енгди. Ярим финалда эса яна бир рус курашчиси Полина Лукинага 11-20 ҳисобида имкониятни бой бериб қўйди.  

Афсуски, Актенге Кеунимжаева (53 кг) бронза медали йўлидаги ўтиш беллашувида ҳиндистонлик Пужа Геҳлотга ютқазиб, мусобақадаги иштирокини якунлади. Актенге аввалига қозоғистонлик Ассилзат Сагимбайдан устун келганди. Кейин эса чорак финалда мўғулистон вакиласи Болортуя Бат Очирдан енгилди.