Жасур Мирзамуҳаммедов: "ONE FC'да биринчи ўзбек бўлганим учун..." +ВИДEО

ONE FC'даги илк ўзбек Жасур Мирзамуҳаммедов дебют жанги ва яқин орадаги режалари билан ўртоқлашди.

"Промоушендаги биринчи ўзбекистонлик бўлганим учун сал ҳаяжон билинди. Шу сабабли ҳам биринчи раундда имкониятни бой бериб қўйдим. Кейинги раундда Ватаним, халқим, оилам учун жанг қилишим кераклигини янада тушуниб етдим ва шундан сўнг янада кучлироқ ҳаракат қила бошладим", - деди Мирзамуҳаммедов.

- Аслида 20 майда октагонга кўтарилишингиз лозим эди, аммо жанг сананаси ўзгарди. Бу сизларнинг тайёргарлигингизга қийинчилик туғдирмадими?

- Виза билан муаммо бўлгани сабабли жангим қолдирилди. ONE FC бизга вақтида виза қилиб бера олмади. Уларнинг айблари билан жангим қолдирилди. Шу сабабли, тезда навбатдаги жангни беришди. Мен жанг учун тўлиқ тайёр эдим.

- Маҳмуд Мурадовнинг бурчагингизда бўлгани сизга қанчалик ёрдам берди?

- Маҳмуд Мурадовга катта раҳмат айтаман. Улар ўқув-машғулот йиғинларида ҳам менга катта ёрдам беришди. Уларни ҳатто партер ҳолатимда ҳам эшитаман, ҳар бир вазиятда айтганларини октагонда бажаришга ҳаракат қиламан.

- Жангингиздан кўнглингиз тўлдими?

- Жуда ҳам тўлди демаган бўлардим. Бироқ у ерда энг кучли жангчилар ҳаракат қилади. Рақибим ҳам жиу-житсу бўйича жаҳон чемпиони эди.

- Кейинги жангингиз ҳақида нима дея оласиз?

- Навбатдаги жангимни 3-4 ойдан сўнг ўтказишим аниқ. Яқин ўн кун оила даврасида дам оламан, кейин навбатдаги жангга тайёргарлик кўраман. Мураббийим Жасур Алижонов билан хорижга тайёргарлик кўриш учун учиб кетамиз.

- Биринчи ғалабангизни кимга бағишлайсиз?

- Албатта ота-онамга бағишлайман! Улар мени вояга етказишди. Улар мен учун ҳамма нарсани қилишди.