01 апр 04:40
Янгиликлар

Бокс/ММА

Жавоҳир Умматалиев ҳам Жаҳон кубогидаги илк жангида ортиқча қийинчиликсиз ғолиб бўлди

Теглар : Жаҳон Кубоги Жавоҳир Умматалиев

Бразилияда бошланган бокс бўйича World Boxing Жаҳон кубоги босқичининг илк кунги беллашувлари Ўзбекистон терма жамоаси учун ниҳоясига етди.

Кун тартибидан ўрин олган навбатдаги беллашувда -80 кг вазн тоифасидаги чарм-қўлқоп устамиз Жавоҳир Умматалиев рингга кўтарилди.

Унга Италия терма жамоаси аъзоси Альфред Комми рақиб бўлди. Бу баҳс ҳам тўлиқ 3 раунд давом этиб, якунда ҳакамлар қарори билан 4:1 ҳисобида Жавоҳир ғолиб деб топилди.

Энди Умматалиев чорак финал босқичи доирасида АҚШ вакили Робби Гонсалесга қарши жанг қилади.

Шундай қилиб, бугун рингга чиққан уч боксчимизнинг барчаси кейинги босқич масаласини ҳал қилди. Аввалроқ, Миразизбек Мирзаҳалилов (-55 кг) ва Иқболжон Холдаров (-70 кг) ўз жангларида зафар қучишган эди.