30 мар 09:39
Янгиликлар

Бокс/ММА

Жавоҳир Умматалиев Манчестерда ўтказиладиган Уордли - Дюбуа бокс оқшомида рингга кўтарилади

Бу ҳақда ҳамюртимиз ҳамкорлик қилувчи менежерлик компанияси маълум қилди.

Унга кўра, ҳаваскор боксда жаҳон чемпиони бўлмиш Умматалиев 9 май куни Буюк Британиянинг Манчестер шаҳридаги CO-OP Live мажмуасида ташкил этиладиган Queensberry промоутерлик компанияси ўтказадиган проф бокс оқшомида иштирок этади.

Жавоҳирга ўша куни ким рақиблик қилиши ҳозирча номаълум.

Бу ҳамюртимиз учун Queensberry билан ҳамкорликдаги илк жангга айланади. Мазкур оқшомнинг асосий беллашуви Фабио Уордли ва Даниэль Дюбуа ўртасида оғир вазн чемпионлиги учун кечади.

Маълумот учун, Жавоҳир Умматалиев проф боксдаги дебютини ўтган йилнинг ноябрь ойида озарбайжонлик Раҳим Алиевга қарши ўтказиб, очколар ҳисобига кўра ғалаба қозонган эди.