04 авг 15:01
Янгиликлар

Спорт курашлари

Жавраил Шапиев ҳам бронза медали учун курашади

Токио-2020 Олимпиадаси дастуридан ўрин олган эркин кураш мусобақаси ўзининг ҳал қилувчи палласига кириб боряпти.

-86 кг вазн тоифасидаги биз учун муҳим бўлган ярим финалда эронлик Ҳассан Яздани россиялик Артур Найфоновни 7-1 ҳисобида мағлубиятга учратиб, финалга йўл олди. Бу эса ўз ўрнида ҳамюртимиз Жавраил Шапиевга бронза медали учун курашиш имкониятини тақдим этди.

Шапиев 1/8 финалда айнан Язданига 2-11 ҳисобида ютқазиб қўйган эди. Эртага ўтказиладиган ўтиш баҳсида Жавраил швейцариялик Стефан Рейчмутга қарши гиламга чиқади. Ушбу беллашувдаги ғалаба эса курашчилардан бирини Олимпиада бронза медали учун кечадиган учрашув учун йўл очади.