ЖЧ-2022 саралаш. Бугун курашга кучлилар қўшилади

Бугунги ўйинларнинг эътиборга молик жиҳати, қуръа жараёнида 1-саватчадан жой олган жамоалар бугундан саралашдаги юришни бошлайди. Жанубий Корея, Эрон, Австралия, Япония каби қитъа етакчиларининг курашга қўшилиши буёғига саралаш босқичини янада диққат билан кузатиб боришимизга сабаб бўлади. 

Албатта, биринчи навбатда Ўзбекистон миллий терма жамоаси жой олган "D" гуруҳи ўйинларига эътибор қаратамиз. Бугун Сингапур иккинчи бор ўз майдонида ўйнайди. Сингапурликлар 1-турда бизни мағлуб этган Фаластинни қабул қилишади. Бундан ташқари гуруҳдаги энг кучли рақиб Саудия Арабистони Яман меҳмони бўлади. Ямандаги сиёсий нотинч вазият туфайли учрашув Баҳрайнда ташкил этилади ва бизнинг вақт билан 17:00да бошланади. Маълумот учун, Яман 1-турда Сингапур билан дуранг ўйнади. 

Бошқа гуруҳларда ҳам бир нечта қизиқарли баҳслар бўлиб ўтиши кутиляпти. Хусусан Қувайт - Австралия, Гонконг - Эрон, Мўғулистон - Тожикистон, Малайзия - БАА, Туркманистон - Жанубий Корея тўқнашувлари ҳам эътиборимиздан четда қолмайди. 

ЖЧ-2022 саралаш босқичи. 2-тур. 10 сентябрь 

"A" гуруҳи

10:30. Гуам - Филиппин 

20:00. Мальдив - Хитой 

"B" гуруҳи

16:10. Хитой Тайпейи - Непал 

20:30. Қувайт - Австралия 

"C" гуруҳи

16:30. Камбоджа - Баҳрайн

17:00. Гонконг - Эрон

"D" гуруҳи

16:45. Сингапур - Фаластин 

17:00. Яман - Саудия Арабистони 

"E" гуруҳи

19:00. Афғонистон - Бангладеш 

21:30. Қатар - Ҳиндистон

"F" гуруҳи

14:00. Мўғулистон - Тожикистон

16:30. Мьянма - Япония

"G" гуруҳи

17:30. Индонезия - Таиланд

17:45. Малайзия - БАА

"H" гуруҳи

19:00. Туркманистон - Жанубий Корея

19:00. Шри Ланка - КХДР