20 июн 10:13
Янгиликлар
Футбол
ЖЧ-2026`ни тарк этган илк терма жамоа номи маълум бўлди
Гаити терма жамоаси жаҳон чемпионатининг плей-офф босқичига чиқиш имкониятидан муддатидан олдин маҳрум бўлган илк жамоага айланди.
"С" гуруҳи 2-туридан ўрин олган баҳсда гаитиликлар Бразилияга 0:3 ҳисобида имкониятни бой беришди ва ўтказилган икки учрашувдан сўнг бирор очко жамғара олишмади. Шу тариқа, Гаити терма жамоаси гуруҳ босқичидан сўнг турнирдаги иштирокини якунлаши аниқ бўлди.
Сўнгги тур олдидан Бразилия ва Марокаш ҳисобида 4 тадан очко мавжуд, Шотландия эса 3 очкога эга. Агар Гаити охирги ўйинда Марокашни мағлуб этиб, шотландлар билан очколарни тенглаштириб олган тақдирда ҳам, ўзаро ўйин натижасига кўра (биринчи турда Шотландияга ютқазишган) улардан пастда қолади. Бу эса жамоани учинчи ўринга кўтарилиш имкониятидан ҳам маҳрум этади.
Шу тариқа, Гаити ЖЧ-2026нинг 1/16 финал йўлланмаси учун курашдан расман чиқиб кетган биринчи терма жамоа бўлди.
Ҳавола :
Фикрлар