ЖЧ, 3-кун. Вакилларимизда навбатдаги ғалабалар, Қозоғистон эса илк мағлубиятини қабул қилди, Куба ва Россияда нима гаплар?

Бугунги кун доирасида икки нафар ҳамюртимиз рингга кўтарилди.

1. - 71 кгда 1/32 финал жанги: Саиджамшид Жафаров - Тиаго Муханга (Мозамбик), (Ҳакамларнинг якдил қарори билан).
2. - 60 кгда 1/16 финал жанги: Марри Корр (Гамбия) - Мужибилло Турсунов, (2-раундда нокаут билан).

Кеча Руслан Абдуллаев, Шоҳжаҳон Абдуллаев ҳамда Жасурбек Йўлдоевлар ўз ғалабалари билан мухлисларни шод этган эди.



Қўшни Қозоғистонда эса бугун бир нафар боксчи ўз жангини ўтказиб, мусобақа билан хайрлашди:

1. - 60 кгда 1/16 финал жанги: Талгат Сиримбетов (Қозоғистон) - Моҳамед Абу-Жажеҳ (Иордания), (Ҳакамлар қарори билан).

Бу Қозоғистон учун мазкур мусобақадаги илк йўқотиш бўлганини таъкидлаш керак. Қозоқлар таркибида ҳозирча Сағиндик Тогамбай, Санатали Толтаев ва Айбек Оралбайлар кейинги босқич масаласини ҳал этган.



Россияликлар сафида бугун икки боксчи рингга чиқди:

1. - 60 кгда 1/16 финал жанги: Всеволод Шумков (Россия) - Владислав Ворошилов (Исроил), (2-раундда ТКО).
2. - 71 кгда 1/32 финал жанги: Серхио Мартинес (Испания) - Игорь Свиридченков, (Ҳакамларнинг якдил қарори билан).

Кеча руслар вакили Шарабутдин Атаев сербиялик Милослав Савични мағлуб этиб, нимчорак финалга йўл олган эди. Шу тариқа, руслар таркибида рингга чиққан ҳар уччала боксчи ҳам ғалаба қозонган ҳолда кейинги босқичга йўл олди.



Куба терма жамоасида ҳам бугун кечагидек икки боксчи рингга чиқди:

1. - 60 кгда 1/16 финал жанги: Эрисланди Альварес (Куба) - Жанлуижи Калаипупин (Индонезия), (1-раундда ТКО).
2. - 71 кгда 1/32 финал жанги: Дейви Шеннон (Австралия) - Жорж Терри Куэлья (Куба), (Ҳакамлар қарори билан).

Кеча Куба вакилларидан Нельсон Уильямс ва Ласаро Альварес жанг қилиб, ғалаба қозонган эди. Шунингдек, кубалик Орта Родригес ҳам турнирнинг илк кунида рақиби устидан зафар қучиб, кейинги босқич масаласини ҳал этган эди.