ЖЧ, 7-кун олдидан. "Бизда ҳаммаси жойида", русларда яна мағлубият, Козоғистон ва Кубанинг ҳолати қандай?

Тошкентда давом этаётган ЖЧнинг кечаги кунида уч нафар ўзбекистонлик боксчи рингга чиқди:

1. -63,5 кгда 1/8 финал жанги: Руслан Абдуллаев - Ричанро Колин (Маврикий), (Ҳакамларнинг якдил қарори билан)
2. -67 кгда 1/16 финал жанги: Асадхўжа Мўйдинхўжаев - Юта Вакита (Япония), (Ҳакамларнинг якдил қарори билан)
3. -71 кгда 1/16 финал жанги: Саиджамшид Жафаров - Альварес Верде (Мексика), (Ҳакамлар қарори билан).

Шу тариқа, ЖЧнинг олтинчи кунида жанг қилган боксчиларимизнинг ҳар уччаласи ғалаба қозонишди. Аҳамиятлиси, Руслан Абдуллаев кечаги ғалабаси орқали чорак финал масаласини ҳал этган илк боксчимизга айланди. Терма жамоамиз ҳозирча биргина йўқотиш билан қоляпти. Яна бир қизиқарли факт: жаҳон чемпионатининг еттинчи кунига келиб, фақатгина икки боксчимиз жанг қилмади: Ойбек Жўраев (- 54 кг) ҳамда Аълохон Абдуллаев (-75 кг). Абдуллаев бугун рингга кўтарилса, Ойбек Жўраев эртага ўзининг илк жангини ўтказади.



Кеча Қозоғистон терма жамоасининг икки нафар вакили жанг қилган эди:

1. -67 кгда 1/16 финал жанги: Дулат Бекбауов (Қозоғистон) - Андрей Мустет (Руминия), (Ҳакамларнинг якдил қарори билан)
2. -71 кгда 1/16 финал жанги: Аарон Принс (Тринидад ва Тобаго) - Арсланбек Шимбергенов (Қозоғистон), (Ҳакамларнинг якдил қарори билан).

Ўз жангларида зафар қучган ҳар икки боксчи ҳам нимчорак финалга йўл олди. Умуман олганда, Қозоғистон терма жамоаси жаҳон чемпионатининг еттинчи кунига келиб, уч нафар боксчисидан айрилди, булар: Талгат Сиримбетов (-60 кг), Санатали Толтаев (-63,5 кг) ҳамда Айбек Оралбай (-92 кг).

Бугун қозоқларнинг тўрт нафар вакили жанг қилади:

1. -51 кгда 1/16 финал жанги: Сакен Бибиосинов (Қозоғистон) - Дипак Кумар (Ҳиндистон)
2. -86 кгда 1/8 финал жанги: Серик Темиржанов (Қозоғистон) - Роланд Вереш (Венгрия) 
3. -75 кгда 1/16 финал жанги: Нурканат Райис (Қозоғистон) - Дельгадо де лос Сантос (Доминикан Республикаси)
4. +92 кгда 1/8 финал жанги: Моҳаммед Млайес (Сурия) - Камшибек Конкабаев (Қозоғистон).


Кучли термалардан яна бири — Россия таркибида ҳам кеча 3 боксчи жанг қилди:

1. -67 кгда 1/16 финал жанги: Тархан Идигов (Россия) - Бибньям Абебе Йелишо (Эфиопия), (3-раундда КО-ТКО)
2. -63,5 кгда 1/8 финал жанги: Габил Мамедов (Россия) - Хунатип Пиднуч (Таиланд), (Ҳакамлар қарори билан). 
3. -71 кгда 1/16 финал жанги: Игорь Свиридченков (Россия) - Пеерапат Йеасунгноен (Таиланд), (Ҳакамларнинг якдил қарори билан).

Қайд этиш жоиз, Мамедовнинг мағлубияти, руслар учун мазкур мусобақадаги иккинчи йўқотиш бўлди. Аввалроқ, энг оғир вазндаги Олег Дронов қозоғистонлик Камшимбек Конкабаевга ютқазиб, мусобақани тарк этган эди.

Бугун Россия таркибида икки боксчи: Василий Егоров (-51 кг) ҳамда Павел Сосулин (-75 кг) жанг қилади.


Жанубий Америка қитъасидан ташриф буюрган мехмонлар, яъни кубаликларда ҳам ҳолат яхши. Кеча уларнинг 3 нафар боксчиси жанг қилди:

1. -71 кгда 1/16 финал жанги: Хорхе Куэльяр (Куба) - Симникиве Бонгко (ЖАР), (Ҳакамларнинг якдил қарори билан)
2. -67 кгда 1/16 финал жанги: Роньель Иглесиас (Куба) - Жонни Фернандес (Доминикан Республикаси), (Ҳакамлар қарори билан). 
3. -63,5 кгда 1/8 финал жанги: Ласаро Альварес (Куба) - Юри Фалькао дос Рейс (Бразилия), (Ҳакамларнинг якдил қарори билан).

Юқорида айтилганидек, Куба терма жамоасида ишлар "беш". Ҳали умуман йўқотишга учрамаган бу терма жамоа медаллар жамғаришда юқори ўринни қўлга киритиши шубхасиз.