Жефф Монсон Федор Емельяненко билан жанг қилиш истагини билдирди

Аввалроқ Емельяненко 23 октябрь куни Москвада жанг қилиши ҳақида хабар берилган эди, унга ким рақиблик қилиши ҳозирча маълум эмас. Монсон аллақачон истеъфога чиқишини эълон қилган эди, аммо энди у битта жанг учун қайтишини истисно қилмади. У 2011 йилда Емельяненкога ютқазганэди.

"Мен рингга қайтишни ва сўнгги жангимни ўтказишни, профессионал фаолиятимни Россияда, янги уйимда, рус томошабинлари олдида якунлашни истардим. 23 октабрь куни Москвадаги Беллатор оқшоми бунинг учун ажойиб имкониятдир. Мен Федор Емельяненко билан жанг қилмоқчиман. Ўйлайманки, бу иккаламиз учун ажойиб нуқта, ажойиб кетиш бўлади. Мен Россияда жуда машҳурман, Федор энг буюк жангчи, афсонадир. Ундан реванш олиш мен учун шараф бўлади.

Унинг жамоаси рақиб ҳақида ҳали бир қарорга келгани йўқ - келинг у кимни танлашини кутамиз. Рақибдан қатъи назар, қизиқарли кураш бўлади. Қандай бўлмасин, Федор бу ғояга қизиқмаса ҳам, мен Александр Емельяненко билан ҳам ва бошқа ҳар қандай жангчи билан 23 октябрда Москвада жанг қилишга тайёрман. Менимча, бу фаолиятимни якунлашнинг энг яхши йўли бўлар эди”, - дея Монсоннинг сўзларини келтиради Sport24.