Жервонта Дэвиснинг Мейвезер билан ҳамкорликдаги "эртаги" тугади. Якуний жанг қай тарзда ўтди?

Бизнинг вақт билан 29 май тонгида Нью-Йорк шаҳрида профессионал бокс оқшоми ташкил этилди. Унда енгилмас панчер Жервонта Дэвис ва Роландо Ромеронинг чемпионлик жанги ҳам ўрин олган эди. Ўртага Дэвиснинг енгил вазндаги WBA чемпионлик камари қўйилганди. Бу вақтда Ромеро худди шу вазннинг вақтинчалик чемпиони эди (ҳозир ҳам шундай).

Иккала жангчининг ҳам стаситикаси ҳавас қилса арзигулик. Жервонта 26 та жанг ўтказиб, барчасида ғалаба қозонган, жангларининг 24 тасини нокаут билан якунлаган. Роландо ҳам жангларининг барча - 14 тасида ғалабага эришган. 14 та жангининг 12 тасида рақибларини нокаутга учратганди. 

Шу боисдан ҳам уларнинг жанги узоққа чўзилмаслигини тахмин қилиш мантиқан тўғри эди. Бу ҳам етмагандек, вазн ўлчаш маросимида Дэвис Ромерони саҳнадан итариб юборди, табиийки бу ҳолат жанжал келиб чиқаришига оз қолди. Ташкилотчиларнинг муваффақияти уларнинг барча муаммоларини рингда ҳал қилишларига қўйиб берганидадир.

Жанг бир ҳил сценарий асосида ўтди. Роландо биринчи рақамли бўлиб ҳаракатланди, Дэвис эса ринг бўйлаб қочиб юрди. Аммо вазият бўлганида, ундан шундай фойдаландики, кучсиз зарбалари ҳам Ромерони қийнаб қўйди. Аввалига Жервонта қарши ҳужумда яхши жанг қила олмаган бўлса-да, ташаббусни ўз қўлига ола билди. Таъкидлаш жоизки, "Танк" биринчи рақамли Роллига қараганда яхшироқ жанг ўтказди.

Ромеро ўз ҳисобига ёздирган ягона раунд бу — иккинчи раунддир. Айнан шу раундда Ромеро Дэвисни "клинч"га киришга мажбур қила олди. Ҳатто Дэвисни нокдаунга учрата олди, гарчи ҳакам нокдаунни ҳисобга олмаган бўлсада. Қисқа қилиб айтганда, Жервонта ҳали ҳам Ромерога қарши тура олишини исботлай олди.

Бешинчи раунд аввалида Дэвис жангда ўз назоратини ўрнатгандек бўлди ва шу заҳоти рақибига оғир ҳамда кучли зарбалар йўллай бошлади. Роландо жанг ярмига етганида ҳам ўз маҳоратини кўрсатишда таваккал қилишга қўрқаётган эди.

Барчаси олтинчи раундда ҳал бўлди. Чемпион бу жангга барча нарсасини тиккан эди. Роландо чап тарафдан хук зарбасини ўтказиб юбориб йиқилди ва саккизинчи сонияда ўрнидан турди. Бироқ рефери унинг жангни давом эттиришига йўл қўймади.

Эьтиборлиси, бу "Танк" учун Флойд Мейвезерга тегишли промоутерлик компаниясидаги сўнгги жанги эди. Дэвис жаҳон чемпионлигини, қолаверса, обрўсини сақлаб қолди. Бу Жервонта учун фаолияти давомидаги 27-жангда қўлга киритилган 25-нокаутли ғалаба бўлди. Ажойиб рақамлар шундай эмасми?