Жейк Пол бугунги 40 млн долларлик жанги ҳақида фикр билдирди

Оқшомнинг асосий жангида 27 ёшли блогер-боксчи Жейк Пол супероғир вазн тоифасида собиқ мутлақ жаҳон чемпиони, 58 ёшли афсона Майк Тайсонга қарши рингга чиқиб, 8 раунд тўлиқ давом этган жангда очколар (79-73, 79-73, 79-73) ҳисобига кўра ғалаба қозонди. Жангдан кейин Жейк Пол ўз фикрлари билан ўртоқлашди. 

"Аввало Майк Тайсонга ҳурмат бажо келтираман. У ҳақиқий афсона, бунга ҳеч қандай шубҳа йўқ. Агар у бўлмаганида, бугнуги жанг ҳам, зални тўлдириб ўтирган мухлислар ҳам бўлмасди. Бу чиндан ҳам оғир жанг бўлди. Рақибимни нокаут билан ютишга ҳаракат қилдимми? Унга оғир бўлиши учун уринишларни амалга оширдим. Лекин шунинг баробарида Майкнинг оғир зарбаларидан ҳам қўрқиб турдим. Ёши катта бўлса ҳам, унинг бой тажрибасини ҳеч ким тортиб олмаганди", — деди Пол.