Жейк Пол - Энтони Жошуа жанги регламенти тасдиқланди

Турнирнинг асосий жанги блогер-боксчи Жейк Пол ҳамда супероғир вазн тоифасида собиқ жаҳон чемпиони, Олимпия ўйинлари олтин медали соҳиби Энтони Жошуа ўртасида ўтказилади. Жанг профессионал мақомга эга бўлиб, бокс қоидалари асосида уч дақиқадан саккиз раундга мўлжалланган. Боксчилар ўн унцияли қўлқоплардан фойдаланадилар. Жанг оғир вазн тоифасида бўлиб ўтади, аммо Жошуанинг вазни 245 фунт (111 кг)дан ошмаслиги керак.

"Бу сунъий интеллект симуляцияси эмас, балки оғир вазн тоифасида жаҳоннинг энг яхши чемпионига қарши профессионал жангдир. Энтони Жошуани мағлуб этганимда, барча шубҳалар йўқолади ва ҳеч ким менга жаҳон чемпионлиги учун курашиш имкониятини рад эта олмайди. Барча хакерларимга - сиз шуни хоҳладингиз. Буюк Британия халқига - афсусдаман, аммо машъала топширилади ва британиялик Голиаф мағлуб этилади", - деди 27 ёшли америкалик блогер-боксчи.

"Мен танаффус қилдим ва энди мега-шоу билан қайтяпман. Мен учун бу катта имконият. Сизга ёқадими-йўқми, лекин мен бу ерда улкан рақамларни тўплаш, катта жанглар ўтказиш ва барча рекордларни янгилаш, хотиржам, совуққон ва тартибли бўлиб қолиш учун келдим. Менинг сўзларимни ёдда тутинг: келажакда бундай имкониятларни тобора кўпроқ жангчилар қабул қилишини кўрасиз. Мен Жейк Полнинг юзи билан интернетни портлатмоқчиман", дея ваъда берган 36 ёшли британиялик.

Энтони Жошуа енгил вазн тоифасида бокс бўйича амалдаги жаҳон чемпиони Жервонта Дэвис блогер билан жангдан чиқиб кетганидан сўнг, Жейк Пол билан жангга рози бўлди.