Жейк Пол Жошуа билан жанг ҳақида: "Мен қўрқаман, чунки шернинг инига кираман"

Шу билан бирга таниқли блогер-боксчи 19 декабрь куни яккакурашлар оламини ларзага келтира олишига шубҳа қилмайди.

"Менга ҳақиқий боксчи билан жанг қилиш кераклигини айтишди. Менинг гавдамга тенг рақиб билан уришишим кераклигини гапиришди. Жаҳон чемпиони билан жанг қилиш кераклигини айтишди. Сиз мендан катта ном билан муштлашишимни хоҳладингиз. Икки баробар каттароғи-чи? У Жервонт Дэвисдан деярли икки баравар катта.

Супероғир вазн тоифасида икки карра жаҳон чемпиони. Олимпиада чемпиони. У Олимпиада олтин медалини қўлга киритганида, мен ўрта мактабда ижтимоий тармоқлар учун видеолар суратга олардим. Эй Жей нокаутчи Жей, унинг жанглари сониялар ичида тугайди. Ёлғон гапирмайман, мен бироз қўрқяпман. Дўстларим ва оилам бу жангга рози бўлганимга ишонишмади.

Шубҳаланманг, бу менинг фаолиятимдаги энг катта жанг. Мен шернинг инига кираман. Мен ҳеч ким қилмаган ишни қиляпман. Мен Жейк Жозеф Пол Энтони Жошуани 19 декабрь, жума куни Netflix’да жонли эфирда нокаут қиламан, ураман ва шарманда қиламан", - деди 27 ёшли америкалик.

Майамида бўлиб ўтадиган бокс оқшомининг асосий жанги саккиз раунддан иборат бўлиб, профессионал мақомда ўтказилади. Жанг натижаси боксчиларнинг расмий рекордига киради. Шу билан бирга, британиялик оғир вазнли боксчи деярли ўн карра фаворит сифатида рингга кўтарилади, Жошуа ва Полнинг гонорари эса норасмий маълумотларга кўра, мос равишда 65 ва 92 миллион долларни ташкил қилади.