Жейк Пол Хабиб Нурмагомедовга жавоб қайтарди

Жейк Пол Хабиб Нурмагомедовнинг Eagle FC лигаси америкалик жангчига ММА'да дебют қилиш таклифи билан шартнома юборгани ҳақида баёнотига изоҳ берди.

“Хабиб "Биз унга шартнома таклиф қилдик" деди, бу ёлғон”, - деб айтди Пол Тhe MMA Hour дастурида. "Улар менга ҳеч нарса таклиф қилишмади. Мен Eagle FC турнирларини умуман кўрмаганман. Мен уларнинг қилган ишларидан нафратланишни истамайман, лекин ММА'да жанг қилишим учун улар менга боксда топганимдан ҳам кўпроқ пул таклиф қилишлари керак. Мен билан музокараларни бошлаш учун уларга 25-35 миллион доллар керак бўлади".

Шу билан бирга, Пол агар енгил вазн тоифасида собиқ UFC чемпиони унинг рақибига айланса, Россия лигаси таклифини кўриб чиқишга тайёрлигини аниқ айтди.

"Агар улар шундай таклиф қилишса, мен Хабиб билан жанг қилган бўлардим. Бу катта ва қизиқарли тўқнашув бўларди. Менга қизиқ бўларди, айниқса тайёргарлик кўриш учун вақтим бўлса. Мен қилишим керак бўлган нарса кураш маҳоратим устида ишлаш. Чунки тик турган ҳолатда Хабибни мағлуб этаман", - деди Жейк.