Жейрон Эннис Уисма Лимадан оғирроқ тош босди

Оқшомнинг асосий жанги биринчи биринчи ўрта вазн тоифасида вақтинчалик WBA чемпионлик камари учун кечади. Унда америкалик Жейрон Эннис анголалик Уисма Лимага қарши рингга кўтарилади. 

Жанг олдидан боксчилар расмий тарозидан ўтиш маросимида ҳозир бўлишди. 28 ёшли Эннис ўзи учун янги вазн тоифасидаги дебют жангига 69,6 кг тош босди. Лима эса 69,4 килограмм вазн қайд этди. 

Эътиборлиси, 32 ёшли Уисма охирги 4 та жангида гарчи аутсайдер деб ҳисобланса-да, ғалаба қозонишга муваффақ бўлди. Жейрон Сауль Альваресга Теренс Кроуфордга қарши ўтказган жанги учун тайёргарлик кўришда машғулотларда ёрдам берганди. 

Филадельфиядаги турнирнинг co-main event жангида канадалик истеъдод эгаси Алексис Барриэр италиянлик Гвидо Вианеллога қарши рингга чиқади. Ушбу жанг супероғир вазн тоифасда вакант бўлиб турган WBC Continental Americas камари учун бўлиб ўтади. Барриэр тарозида — 107,5 кг; Вианелло — 112,2 кг вазн кўрсатди.