UZ

Сўнгги янгиликлар

09:29Расман! Усман ва Масвидаль UFC 251 турнирида жанг қилади 0 08:01"Хабиб спортдан хотиржамлик топади" 0 07:20«Барселона» меҳмонда йирик ғалабани тантана қилди 0 21:05Мўғул мураббийини "ечинтирган" Ихтиёр Наврўзовни табриклаймиз! 0 19:59Формула-1. Мавсумнинг илк гран-приси якунланди+ ФОТОГАЛEРEЯ 0 19:20Ян Абу-Дабига етиб борди 0 18:52Тарихда бугун. Жокович тўққиз йил аввал илк бор АТP рейтинги тахтига чиққанди 0 18:29Месси "Барселона"дан кетмайди 0 18:03UFC жангчиси чемпионлик жанги учун тайёргарликни ZООМ орқали олиб борди! 0 17:42Порьeга мухлисларсиз жанг қилиш ёқмоқдами? 0 17:20Рио Олимпиадасида Ўзбекистон шарафини ҳимоя қилган атлет турмушга чиқди + ФОТО 0 16:44Футболчини чақмоқ урди, у реанимацияга тушиб қолди 0 16:16IBF рейтинги: Супероғир вазн тоифасида ўринлар қандай? 0 15:37Масвидал - Усман жанги 11 июль куни бўлади! 5 15:10Бокс афсонаси коронавирусни енгиб ўтди 0

16 фев 06:37
Янгиликлар

Бошқалар

Жисмоний тарбия ва спорт бошқармаси бошлиғининг махсус канали ишга тушди

Тошкент вилоят Жисмоний тарбия ва спорт бошқармаси бошлиғи Комилжон Адилов вилоятдаги жисмоний тарбия ва спорт йўналиши бўйича аҳолининг фикр-мулоҳазалари билан ўртоқлашиш, уларни шу соҳа борасида қийнаётган муаммоларини ўрганиб бориш мақсадида телеграм каналини ташкил қилди.

Бу ҳақда Тошкент вилояти Жисмоний тарбия ва спорт бошқармаси хабар бермоқда. Эндиликда вилоятнинг барча туман ва шаҳар жисмоний тарбия ва спорт бўлимлари, болалар-ўсмирлар спорт мактаблари, спорт федерациялари, таълим муассасалари ва бошқа ташкилотлар яратилган ушбу ижтимоий тармоқ орқали жисмоний тарбия ва спорт жараёнларини кузатиб боради ва ўз муаммоларини бевосита билдириб ўтиш имкониятига эга бўлишади.  

Бундай қулайлик аҳолини, айниқса, спортга даҳлдор инсонларни мушкулини осон қилишда, жисмоний тарбия ва спортни кенг оммалашишида хизмат қилиши бор гап.

- Кейинги йилларда Ўзбек спортида юксалиш даври бошланганини қўлга киритилаётган муваффақиятлардан ҳам сезиш мумкин. Аммо биз ютуқлар билан чекланиб қолмасдан, вилоятимиз бўйлаб спортни янада оммалаштиришимиз ва халқаро спорт майдонларида юртимиз шарафини муносиб ҳимоя қиладиган  иқтидорларни тайёрлашимиз, захирасини бойитишимиз зарур, - дейди Тошкент вилояти жисмоний тарбия ва спорт бошқармаси бошлиғи К.Адилов. - Режамизга мувофиқ, вилоятимиздаги ҳар бир туман ва шаҳарнинг энг чекка ҳудудларигача спорт орқали кириб борамиз. Спортнинг ривожи учун эндиликда аҳоли билан доим мулоқотда бўлиб, йўл қўйилаётган хато ва камчиликларни ўз вақтида бартараф этиш, тизимда коррупцияга йўл қўймаслик сингари қатор масалалар юзасидан телеграм каналини ишга туширдик. Вилоятимизда спортнинг юксалиши борасидаги фикр-мулоҳазалар, таклиф ва эътирозлари билан ушбу телеграм канал орқали шахсан ўзимга баён қилишлари мумкин бўлади. Бир нарсани ҳеч қачон унутмаслигимиз лозим - бу Юрт барчамизники ва унинг ривожи йўлида барчамиз бирдек масъулмиз!

Тошкент вилоят Жисмоний тарбия ва спорт бошқармаси бошлиғи Комилжон Адилов 

расмий канали : https://t.me/toshkentvilsport_murojat

Илҳом РАҲМОНОВ тайёрлади   

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг