21 авг 17:33
Янгиликлар

Теннис

Жокович 16-маротаба Якуний турнирда иштирок этади

Дунёнинг иккинчи ракеткаси Новак Жокович Якуний ATP турниридаги иштирокини расман кафолатлади.

Ушбу нуфузли мусобақа 12-19 ноябрь кунлари Италиянинг Турин шаҳрида бўлиб ўтади. Новак Цинциннати "Мастерс" турнири ғолиби бўлиш баробарида Якуний турнирдаги ўз ўрнини ҳам тасдиқлатиб қўйди.

Шу тариқа, сербиялик теннисчи фаолиятида 16-маротаба Якуний ATP турнирида иштирок этади. Жокович Якуний турниринг олти карра ғолиби ҳисобланиши билан бирга амалдаги чемпион ҳамдир. Аввалроқ, дунёнинг биринчи ракеткаси Карлос Алькараз ҳам Якуний АTP турниридаги иштирокини кафолатлаган эди.