13 май 06:14
Янгиликлар

Теннис

Жокович - Mutua Madrid Open чемпиони!

Дунёнинг биринчи ракеткаси Новак Жокович Mutua Madrid Open турнири чемпионига айланди.

Сербиялик теннис Мадрид “Мастерс” турнирининг ҳал қилувчи финал учрашувида рейтингнинг 9-поғонасини банд этиб турган грециялик Стефанос Циципасга қарши кортга чиқди. Бир соату 32 дақиқа давом этган баҳсда Новак 20 ёшли рақибини 6/3, 6/4 ҳисобида таслим этди.

Шу тариқа, Новак мавсумдаги иккинчи, фаолиятидаги 74-совринни қўлга киритди. “Мастерс”даги муваффақиятли иштирок Жоковичга 1 миллион 202 минг 520 евро мукофот пули ҳамда 1000 рейтинг очкосини тақдим этди. Сербиялик теннисчи “Мастерс” турнирларидаги 33-титулига эга чиқди.