Жоковичнинг фанатлари Новак тўп билан пойлаган ҳакамнинг Instagram саҳифасини "бузиб" ташлашди

Хабарингиз бор, кеча сербиялик теннис юлдузи нимчорак финал учрашувининг биринчи сет ўн биринчи гейми давом этаётган бир пайтда тўпни жаҳл билан корт ташқарисига уриб юборган, тўп эса тўғри бориб чизиқ ҳакамининг юзини топганди. 

Бунинг натижасида Новак Жокович US Open турниридан четлатилган ҳамда мусобақанинг шу босқичига қадар ишлаб топган қимматли рейтинг очклари ва 250 минг доллар мукофот пулидан маҳрум қилинганди. 

Бундан ғазабланган Жоковичнинг фанатлари ҳакамнинг Инстаграм саҳифасини топишди ва сўнгги пост остида 500 дан зиёд фикр қолдиришди. Табиийки, фикрларнинг деярли барчаси ҳақорат оҳангида бўлиб, айримлари ҳакамга дунёнинг барча бахтсизликларини тилашган.