24 фев 12:18
Янгиликлар

Бокс/ММА

Жон Жонс UFC`нинг барча даврлардаги кучли бешликни санаб берди

Яримоғир вазн тоифасида собиқ UFC чемпиони Жон Жонс барча даврларнинг Топ-5 жангчилари рўйхатини тузиб чиқди.

"Бу рўйхатга аввало мен, кейин Андерсон Силва, Жорж Сен-Пьер, Хабиб Нурмагомедов ва Жозе Альдо киради. Уларнинг ҳаммаси мен ёқтирган, ҳурмат қилган жангчилар. Хабиб билан бир пайтлар фикримиз бир жойдан чиқмаган. Лекин биз ҳеч қачон бир-биримизга душман бўлмаганмиз. Мен Хабибни нафақат октагон, балки унинг ташқарисидаги ўзини тутиши, оиласи ва ватанига бўлган муҳаббати, тўғрисўзлиги учун ҳурмат қиламан. У ҳақиқий эркак", - деди Жонс.

Эслатиб ўтамиз, Жон Жонс 5 март куни UFC 285 турнири доирасида франциялик Сирил Ганга қарши оғир вазн тоифасида вакант қолган UFC чемпионлик камари учун октагонга кўтарилади.