Жон Жонс: "Хамзат Чимаев исталган вазнда рақобатлаша олади"

У нафақат ташкилотнинг энг яхши ярим оғир вазн тоифасидаги жангчилари билан рақобатлашишга, балки оғир дивизион вакилларини мағлуб этишга қодир, деди икки вазнда дунёнинг энг кучли лигаси собиқ чемпиони Жон Жонс.

"Ўйлашимча, Хамзат Чимаев исталган вазнда рақобатлаша олади. У ҳозирда сайёрамиздаги энг яхши жангчилардан бири. Менимча, у оғир вазнлилар билан рақобатлашиш учун гавда тузилиши жиҳатидан етарлича катта, партерда ҳам қийналмайди. Уни ярим оғир вазнда кўришни хоҳлардим. Хамзат Алекс Перейра ва Магомед Анкалаев каби йигитларга жиддий рақобатчи бўларди" - деди америкалик Red Corner MMA’га берган интервьюсида.

Эслатиб ўтамиз, август ойида ўрта вазнда UFC чемпионлик камарини қўлга киритган Чимаев Рамазон ойидан кейин биринчи чемпионлик ҳимоясини ўтказишни режалаштирмоқда. Агар Алекс Перейра чемпионлик имкониятини қўлга киритса, ярим оғир вазн тоифасида янги чемпион пайдо бўлиши мумкинлиги ҳам айтилмоқда.