«Жонс икки йил қаерда эди?» - Нганну Уайтнинг танқидига жавоб берди

«Икки йилдан кўпроқ вақт олдин бу курашни мен бошлаганман. Мен бу жангни хоҳлардим, лекин ўша пайтда Жон Жонс қаерда эди? Жонс икки йил қаерда эди? Билмайман. Ҳеч ким қизиқмаганга ўхшайди, ҳатто Дана Уайт ҳам. Улар ҳар доим бу мавзуга баҳона топадилар.

Энди гап ўша жанг ҳақида эмас, улар менга бу жангни бермоқчи бўлганликлари ҳақида эмас, балки бу жангни олиш учун тўлашим керак бўлган пул ҳақида. Мен бунинг учун имкон қадар узоқ вақт давомида ҳаракат қилдим ва ҳаётда ҳамма нарсадан воз кечиш кераклигини англадим. Баъзи вазиятлардан воз кечишга мажбурсан. Мен бу жангни жуда хоҳлардим, лекин шунча ҳаракатларимга қарамай, менга бу тўқнашувни ташкил қилиб беришмади», - деди Нганну.