Жорий мавсум "Барселона" сардори ким бўлади?

"Рафа [Рафинья] сардор бўлади. Марк [тер Штеген] ва Рональд [Араухо] йўқлиги, Френки [де Йонг] эса ҳозирча майдонга туша олмаслиги сабабли, овоз бериш жараёни ўтказилгунига қадар сардорлар бўйича қарорга келдим, чунки жамоамиз таркиби ҳали тўлиқ шаклланмаган.

Шундай экан, менимча, таркибимизга янги футболчилар келиши ёки кимдир жамоани тарк этиш истагини билдириши мумкин. Ҳамма нарса тайёр бўлгач, овоз беришни ўтказамиз. Унгача эса Рафа Эрик [Гарсия] ва Педри билан биргаликда сардорлик қилади.

Френкига келсак, у жароҳат олгани сабабли шундай қарорга келдим, аммо у билан муносабатларимиз жуда яхши. Френки улғайган ва у жуда профессионал футболчи, муносабатларимиз юқори даражада. Мен доимо у билан жамоадаги вазият ва олдинда турган ўйинларни муҳокама қиламан. Биз ҳақиқатан ҳам кўп мулоқот қиламиз. Мен учун у жамоага катта фойда келтира оладиган, улкан маҳоратга эга муҳим футболчи", — деди Фликнинг сўзларини келтирган Barca Family News Telegram-канали.