Жорж Сен-Пьер Ислам Махачевни мағлуб этиш йўлини айтди

Канадалик афсона икки вазнда UFC чемпиони, россиялик 34 ёшли Ислам Махачев устидан ғалаба қозониш усули ҳақида гапирди.

"Ислам Махачевни мағлуб этиш учун курашда унга қарши тура оладиган ёки унинг партерга ўтказишга уринишларини назорат қила оладиган жангчи керак. Агар Ислам партерга туширишга муваффақ бўлса, рақиб тезроқ тик ҳолатга туриши, масофани белгилаши лозим. Менимча, унга кўплаб финтлар билан босим ўтказадиган жангчи керак.

Махачевга кўп муаммолар туғдира оладиган бир йигит бор эди. У асли франциялик бўлиб, бир пайтлар менинг спарринг шеригим бўлган. Унинг исми Мансур Барнауи. Жангларга тайёргарлик кўраётганимда у менинг энг яхши спарринг шерикларимдан бири бўлган... Бу (Исламнинг Барнауи билан жанги) Махачев фаолиятининг бошида бўлган. Ўша жангга қарайдиган бўлсак, бошқача тугаши ҳам мумкин эди. Аммо Мансур Махачев билан қандай жанг қилгани (Исламни мағлуб этиш учун) айнан шундай жанг қилиш керак", - дея Сен-Пьернинг сўзларини келтиради Sherdog портали.