19 фев 15:30
Янгиликлар
Бокс/ММА
Жошуа АҚШда жанг қилиши мумкин
Супероғир вазн тоифасида WBA Super, IBF, IBO йўналишлари чемпиони Энтони Жошуанинг промоутери Эдди Хирннинг хабар беришича, боксчи катта эҳтимол билан 2018 йилнинг август ойида АҚШдаги дебют жангини ўтказиши мумкин.
Таниқли RingPolska журналининг хабар беришича, ўша тўқнашувда Жошуанинг рақиби катта эхтимол билан америкалик Жаррелл Миллер бўлади. Шу йилнинг апрель ойида Миллер Нью-Йоркдаги "Barclays Center" аренасида франциялик Жоан Дюопага қарши рингга кўтарилиши керак.
Шунингдек, Хирн яқин орада Жошуа-Уайлдер жанги бўлиб ўтиши мумкинлигини ҳам инкор этмади. Бу жанг промоутернинг хисоб-китобларига кўра 2018 йилнинг декабрь ойларида ўтказилади.
Эслатиб ўтамиз, шу йилнинг 31 март куни Жошуа Кардиффда Янги зенландиялик WBO чемпиони Жозеф Паркер билан камарларни бирлаштирувчи жангда рингга кўтарилади.
Ҳавола :
Манба : RingPolska
Фикрлар