20 сен 11:16
Янгиликлар

Бокс/ММА

Жошуа - Поветкин: Британиялик чемпионнинг жангини англиялик ҳакам бошқаради

Британиялик рефери Стив Грей супероғир вазнда WBA, IBF ва WBO йўналишлари чемпиони британиялик Энтони Жошуа ҳамда россиялик даъвогар боксчи Александр Поветкин ўртасидаги жангда ҳакамлик қилади.

Қоидага кўра Поветкин жамоаси нейтрал мамлакат ҳакамини қўйишни талаб қилишга тўла ҳақли эди. Лекин россияликлар бунга эътироз билдиришмади. Ушбу жангда ўртага Жошуага тегишли барча - WBA, IBF ва WBO чемпионлик камарлари қўйилади.

Эътиборлиси, Грей аввал Жошуа иштирокидаги тўртта жангда ҳакамлик қилганди. Жошуа - Поветник жанги 22 сентябрь куни Лондон шаҳридаги муҳташам ва қадимий Уэмбли стадионида бўлиб ўтади.