26 ноя 14:53
Янгиликлар
Бокс/ММА
"Жошуа учун бу профессионал спортдаги сўнгги йил бўлиши мумкин" — Хирн
Оғир вазн тоифасида собиқ Жаҳон чемпиони Энтони Жошуанинг (28-4, 25 КО) промоутери Эдди Хирн боксчи учун 2025 йилги режалари ҳақида гапирди.
"Бу Жошуанинг спортдаги сўнгги йили бўлиши мумкин. У 22 февраль куни жанг қилмоқчи эди, лекин афсуски, биз унинг таклифини рад этишга мажбур бўлдик.
Агар Дюбуа сизни яна мағлуб этган бўлса, сиз келажагингиз ҳақида жиддий ўйлашингиз талаб этилади. У май ёки июнь ойларида ёки қачон бўлмасин қайтиб келганида, жисмоний ва руҳий жиҳатдан 100 фоиз тайёр бўлиши керак. У Дюбуа билан реванш жангини жуда хоҳлаяпти", деди Хирн.
Сентябр ойида ташкил этилган Дюбуа — Жошуа жангида Даниэль 5-раундда нокаут орқали ғалаба қозонганди.
Ҳавола :
Манба : fightnews.com
Фикрлар