"Жошуани боплаб дўппослайман, кейин Усикдан ўчимни оламан". Фьюри боксдан кетиш олдидан режалари ҳақида гапирди

"Усик билан учинчи жангни ўтказишни хоҳлайман, чунки қалбимнинг тубида ўша икки жангда ҳам ғалаба қозонганимни биламан. Аммо қандайдир сабабларга кўра ҳакамлар ғалабани менга эмас, унга беришди. Алекс ҳам бу жангни хоҳлаяпти, чунки унинг ҳам қалби тубида: “Ўшанда ғалаба қозондимми ёки йўқми?” деган савол бор. Усикнинг ўзи ҳам камера қаршисида бу жанглар жуда яқин ўтганини тан олган. Агар ҳакамлар ғалабани менга беришганида, Алекс бунга эътироз билдирмаган бўларди.

Менда буни тўғрилаш учун яна бир имконият бўлишини истайман. Фаолиятни якунлашнинг бундан яхшироқ усулини тасаввур қила оласизми? Аввал Кардиффда 80 минг томошабин олдида анави бомжни бошидан охиригача боплаб дўппослайман, кейин эса қуён Усикдан ўч олиш учун “Мэдисон Сквер Гарден”га йўл оламан", — дея Фьюрининг сўзларини келтиради The Ring журнали.