06 авг 12:20
Янгиликлар

Бокс/ММА

Жошуанинг промоутери: "Аввал Пулев, кейин Ортис, шундан сўнг Уайлдер"

Профессионал бокснинг супероғир вазн тоифасида IBF, IBO ҳамда WBA йўналишлари чемпиони Энтони Жошуанинг промоутери Эдди Хирн мижозининг режалари билан ўртоқлашди.

WBA ташкилоти қарорига кўра кубалик Луис Ортис Жошуанинг чемпионлик камарига расмий даъвогар бўлиб турибди. Болгариялик Кубрат Пулев эса IBF чемпионлик титулига расмий даъвогар.

“Жошуа аввалига Пулев, кейин Ортис билан жанг ўтказади. Ҳар икки рақиб ҳам чемпионлик камарлари учун мажбурий ва расмий даъвогар ҳисобланади. Шундан сўнг WBC чемпиони америкалик Деонтей Уайлдер билан бирлаштирувчи чемпионлик жангини ташкил қиламиз”, – деди Хирн.