Жозе Альдо Конорнинг "вызов"ига "ответ" қилди

Альдо бокс қоидалари асосида ўтказилган жангда Жереми Стивенсни мағлуб эта олмаган эди. Шундан сўнг икки вазнда собиқ UFC чемпиони Конор Макгрегор айнан Альдони рингга чорлаган эди. 

"Биз Альдо билан рингда бокс қоидалари асосида жанг ўтказишимиз керак", - дея ижтимоий тармоқдаги саҳифасида чорлов қолдирганди Конор. 

Бразилиялик бу чақирувнинг жавобини узоқ куттирмади. 

"Конорнинг узун тили бор. У керагидан ортиқ кўп гапиради. Конор, овозингни ўчирда, белгиланган жангингга тайёргарлик кўр! Биз сен билан UFC октагонида жанг ўтказишимиз керак эди. Лекин сен қочиб кетдинг", - деди Альдо.

"Майли болакай, ўзингга қара. Мен шунчаки хушмуомала бўлишга ҳаракат қилгандим", - деди Макгрегор.

Эслатиб ўтамиз, Жозе Альдо ва Жереми Стивенс ўртасидаги жанг Gamebred Boxing 4 турнири доирасида ўтказилганди. Олти раунд тўлиқ давом этган жангда ҳакамлар дуранг натижа қайд этишган эди.