13 сен 12:29
Янгиликлар

Бокс/ММА

Жозеф Паркер: “Мен Жошуани нокаут қила оламан”

Профессионал бокснинг супероғир вазн тоифасида WBO йўналиши чемпиони Жозеф Паркер IBF, IBO ҳамда WBA Super йўналишлари чемпиони британиялик Энтони Жошуа билан жанг қилса, рақибини нокаутга учратишини айтди.

“Ўйлашимча, кўпчилик менинг Жошуа билан бирлаштирувчи чемпионлик жангида рингга чиқишимни хоҳлаяпти. Ҳа, Энтони ҳозирги боксда жарангдор исм. Лекин ишончим комил, мен уни нокаутга учрата оламан”, - деди Паркер.

Маълумот учун, Янги Зеландия мамлакати боксчиси 23 сентябрь куни ўз чемпионлик камарини Манчестер шаҳрида британиялик Хьюи Фьюридан ҳимоя қилади.