10 сен 14:51
Янгиликлар

Бокс/ММА

Жозеф Паркер: "Усик мендан қочяпти"

Супероғир вазнда мутлақ жаҳон чемпиони Александр Усик жароҳати сабаб Жозеф Паркерга қарши ўз камарларини ҳимоя қилишдан бош тортди.

Янги зеландиялик боксчи бу ҳолатда Усикни жангдан қочишда айблади.

"Ҳа, у мендан қочяпти. Аниқ нима учунлигини билмайман. Менимча, бу ажойиб жанг бўларди. Усик биринчи ва оғир вазнда катта тажриба тўплади. Кучлилар билан жанг қилди. Бу томондан олиб қарасак, уни қўрқоқликда айблаш ҳам балки ноўриндир. Билмадим, балки бошқа сабаблар ҳам бўлиши мумкин", - деди Паркер iFL TV’га берган интервьюсида.

Энди Паркер 25 октябрь куни британиялик Фабио Уордлига қарши оғир вазн тоифасида вақтинчалик WBO чемпионлик камарини ҳимоя қилиш учун рингга кўтарилади.