20 июн 17:45
Янгиликлар

Футбол

Журналист Сербия иштирокидаги учрашув вақтидаги ҳаракати учун жазоланди

Косоволик журналист Арлинд Садик Европа чемпионати-2024да ишлаш учун берилган аккредитациясидан маҳрум этилди.

Гуруҳ босқичи 1-тур доирасида Сербия - Англия рўбаро келишди. Ушбу ўйин вақтида косоволик журналист сербиялик мухлислар томон қайрилган ва қўллари билан икки бошли бургутни ифодалаган. Сербия Футбол Федерацияси вакили (СФФ) Милан Вукович УЕФАдан Арлинд Садикни провокацион ҳаракати учун четлатишни сўради.

Маълум қилинишича, Садик ўзининг ҳаракатлари профессионал журналистга тўғри келмаслигини тан олган ва аслида ҳеч кимни камситмоқчи бўлмаганини маълум қилган. Шунингдек, у ижтимоий тармоқларда ўлим билан таҳдид қилишганини айтган.